ភ្នំពេញ ថ្ងៃទី 26 ខែកក្កដា ឆ្នាំ 2023 – ក្រុមហ៊ុន អេ អាយ អេ (ខេមបូឌា) ឡាយហ្វ៍ អ៉ិនសួរេន ម.ក (“អេ អាយ អេ ខេមបូឌា”) ជាដៃគូយុទ្ធសាស្រ្ត និងគ្រឹះស្ថានមីក្រូហិរញ្ញវត្ថុ អម្រឹត បានឈ្នះពានរង្វាន់ជា គ្រឹះស្ថានហិរញ្ញវត្ថុដៃគូប្រចាំឆ្នាំពីកម្មវិធី Asia Trusted Life Agents & Advisers Awards កាលពីពេលថ្មីៗនេះក្នុងប្រទេសសិង្ហបុរី។

ពានរង្វាន់ប្រចាំឆ្នាំនេះបង្ហាញ ពីភាពជាដៃគូរវាង អម្រឹត និង អេ អាយ អេ ខេមបូឌា លើលក្ខណៈពិសេសពីគេក្នុងទ្វីបអាស៊ី ដែលភាពជាដៃគូនេះផ្តោតសំខាន់ក្នុងការជួយបម្រើដល់តម្រូវការរបស់ប្រជាជន​លើការការ​ពារ​ហិរញ្ញវត្ថុ  តាមរយៈការផ្តល់សេវាធានារ៉ាប់រងដែលមានតម្លៃសមរម្យជាមួយរយៈពេលធានារ៉ាប់រងខ្លី និងវែង ដែលស្របតាមតម្រូវការជាក់ស្តែងរបស់អតិថិជន។

ពានរង្វាន់នេះ សបញ្ជាក់ពីកិច្ចខិតខំប្រឹងប្រែងរបស់ អម្រឹត និង អេ អាយ អេ ខេមបូឌា ក្នុងការផ្តល់ឲ្យប្រជាជនដែលមានតម្រូវការការពារហិរញ្ញវត្ថុ។ នៅឆ្នាំ 2022 ភាពជាដៃគូនេះមានសន្ទុះកើនដល់ 24% និងបានផ្ដល់ការការពារផ្នែកហិរញ្ញវត្ថុដល់គ្រួសារកម្ពុជារហូតដល់ 22,000 គ្រួសារ។

ស្ថាប័នទាំងពីរបានចាប់ដៃគ្នាក្នុងឆ្នាំ 2018 ដែលជាចំណុចចាប់ផ្តើមដ៏លេចធ្លោរវាងក្រុមហ៊ុនធានារ៉ាប់រងអន្តរជាតិ និងស្ថាប័នមីក្រូហិរញ្ញវត្ថុកម្ពុជា (MFI)​ ដោយផ្ដល់ការយកចិត្តទុកដាក់លើការផ្តល់ការការពារ​ផ្នែកហិរញ្ញវត្ថុ​ដល់ប្រជាជនដែលមានតម្រូវការ តាមរយៈការផ្ដល់សេវាធានារ៉ាប់រងអាយុជីវិត និងសុខភាពប្រកប​ដោយគុណភាព។

បច្ចុប្បន្ន អម្រឹត ជាគ្រឹះស្ថានមីក្រូហិរញ្ញវត្ថុធំជាងគេទីពីរនៅកម្ពុជា។ អេ​ អាយ អេ ខេមបូឌា គឺជាក្រុមហ៊ុនធានារ៉ាប់រងអាយុជីវិតឈានមុខគេរបស់ព្រះរាជាណាចក្រកម្ពុជា ដែលបានចាប់ផ្តើមអាជីវកម្មក្នុងឆ្នាំ 2017 ជាមួយនឹងគោលបំណងសំខាន់របស់ខ្លួនក្នុងការផ្តល់ជូនប្រជាជនកម្ពុជានូវសុខភាព និងជីវិតកាន់តែប្រសើរ។

លោក ដុស ឌីន អគ្គនាយក គ្រឹះស្ថានមីក្រូហិរញ្ញវត្ថុ អម្រឹត មានប្រសាសន៍ថា៖ “ពានរង្វាន់នេះបង្ហាញពីការខិតខំប្រឹងប្រែង ដែលយើងមានចំពោះអតិថិជនដែលបានតម្រូវការការពារហិរញ្ញវត្ថុ។ ភាពជាដៃគូ ជាមួយ      អេ អាយ អេ​ ខេមបូឌា អនុញ្ញាតឲ្យយើងជួយដល់ប្រជាជនកាន់តែច្រើនដែលមានប្រាក់ចំណូលតាមរដូវកាល ជាពិសេសស្ត្រី និងកសាងទំនាក់ទំនង ប្រកបដោយអត្ថន័យ ដែលឆ្លុះបញ្ចាំងពីជំហររបស់យើងក្នុងនាមជាគ្រឹះស្ថានហិរញ្ញវត្ថុដែលមានទំនួលខុសត្រូវ និងទំនុកចិត្តបំផុតមួយរបស់កម្ពុជា។”

លោក Andrew Loh អគ្គនាយកនៃក្រុមហ៊ុន  អេ អាយ អេ ខេមបូឌា មានប្រសាសន៍ថា៖ “ខ្ញុំសូមអបអរសាទរ ដល់អម្រឹត និងការខិតខំប្រឹងប្រែងបំពេញតួនាទីរបស់ពួកគេក្នុងការធ្វើឲ្យភាពជាដៃគូរបស់យើងទទួលបានជោគជ័យ។ យើងខ្ញុំមានកិត្តិយសណាស់ដែលបានចាប់ដៃគូជាមួយស្ថាប័នដ៏គួរឲ្យកោតសរសើរមួយនេះ។អម្រឹត តែងតែជួយសម្រួលឲ្យមានភាពកាន់តែងាយស្រួលដល់អតិថិជនក្នុងការទទួលបានការការពារផ្នែកហិរញ្ញវត្ថុ និងសុខភាព។”

“ពានរង្វាន់នេះ គឺជាសមិទ្ធិផល ដែលបង្ហាញថាយើងបន្តរក្សាបាននូវវិជ្ជាជីវៈ ប្រកបដោយស្តង់ដារខ្ពស់បំផុតលើ អភិបាលកិច្ច និងការការពារអតិថិជន។ វាក៏បានសបញ្ជាក់ពីការប្តេជ្ញាចិត្តរយៈពេលយូរអង្វែង របស់យើងក្នុងការជួយព្រះរាជាណាចក្រកម្ពុជាលើការអភិវឌ្ឍសេដ្ឋកិច្ចសង្គម ពង្រឹងសហគមន៍របស់យើង និងពង្រីកវិស័យហិរញ្ញវត្ថុ និងធានារ៉ាប់រង។”

ភ្នាក់ងារ ក្រុមហ៊ុន និងដៃគូរបស់ AIA Group បានឈ្នះពានរង្វាន់ច្រើនជាងក្រុមហ៊ុនធានារ៉ាប់រងដទៃទៀតនៅក្នុងកម្មវិធីប្រគល់រង្វាន់ ដែលរៀបចំដោយ Asia Insurance Review, Asia Advisers Network និង Life Insurance Marketing and Research Association (LIMRA)។ ការផ្ដល់ពានរង្វាន់នេះ ត្រូវបានធ្វើការវិនិច្ឆ័យដោយនាយកប្រតិបត្តិ នាយកប្រតិបត្តិជាន់ខ្ពស់ អ្នកដឹកនាំ និងអ្នកជំនាញពីស្ថាប័ន ជាមួយនឹងការបោះឆ្នោតដែលដឹកនាំដោយក្រុមហ៊ុនសវនកម្មពិភពលោក KPMG ។

សម្រាប់ព័ត៌មានបន្ថែមអំពី អេ អាយ អេ ខេមបូឌា  សូមផ្ញើអ៉ីមែលមកកាន់ kh.marketing@aia.com ។ សម្រាប់ព័ត៌មានលម្អិតលើដំណោះស្រាយការពារអាយុជីវិត ជំងឺធ្ងន់ធ្ងរ គ្រោះថ្នាក់ចៃដន្យ និងការការពាសុខភាព សូមទាក់ទង AIA Client Care តាមរយៈលេខ 086 999 242 ចូលទៅកាន់ aia.com.kh ឬចូលទៅកាន់គេហទំព័រ www.facebook. com/AIACambodia ។

អំពី អេ អាយ អេ ខេមបូឌា

ក្រុមហ៊ុនធានារ៉ាប់រង អេ អាយ អេ ខេមបូឌា គឺជាបុត្រសម្ព័ន្ធនៃ AIA Group មានក្រុមហ៊ុនធានារ៉ាប់រងអាយុជីវិតនៅទូទាំងតំបន់អាស៊ីដែលស្ថិតក្នុងបញ្ជីឈ្មោះសាធារណៈឯករាជ្យធំជាងគេ។ ក្រុមហ៊ុនមានវត្តមាននៅលើទីផ្សារចំនួន 18 ប្រទេសនៅអាស៊ីប៉ាស៊ីហ្វិក - សាខាគ្រប់គ្រងទាំងស្រុង។

ចាប់តាំងពីបើកដំណើរការនៅកម្ពុជា រាល់សកម្មភាពរបស់ អេ អាយ អេ ខេមបូឌា ធ្វើឡើងស្របតាមគោលបំណង ក្នុងការជួយឲ្យប្រជាជនកម្ពុជាឲ្យរស់នៅមានសុខភាព និងជីវិតកាន់តែប្រសើរ។ ចាប់តាំងពីចាប់ផ្តើមអាជីវកម្មក្នុងឆ្នាំ 2017 យើងបានក្លាយជាក្រុមហ៊ុនធានារ៉ាប់រងអាយុជីវិត និងសុខភាពដំបូងបង្អស់នៅកម្ពុជា ផ្តល់ការការពាររហូតដល់ 26 ស្ថានភាពជំងឺធ្ងន់ធ្ងរ។ ក្នុងនាមជាក្រុមហ៊ុនធានារ៉ាប់រងឈានមុខគេមួយនៅកម្ពុជា  អេ អាយ អេ ខេមបូឌា ផ្តល់ជូននូវដំណោះស្រាយជីវិតឈានមុខគេនៅលើទីផ្សារសម្រាប់ប្រជាជនកម្ពុជាគ្រប់មជ្ឈដ្ឋាន រាប់ចាប់ពីគម្រោងធានារ៉ាប់រងសំខាន់ៗដែលបង្កើតឡើងស្របតាមតម្រូវការជាក់លាក់ ដែលរួមមានគម្រោងការពារលើជំងឺធ្ងន់ធ្ងរ គ្រោះថ្នាក់ចៃដន្យ ថ្លៃសម្រួលការសម្រាកព្យាបាលនៅមន្ទីរពេទ្យ និងជំនួយសង្គ្រោះបន្ទាន់នៅក្រៅប្រទេស។

អេ អាយ អេ ខេមបូឌា ផ្តោតសំខាន់លើការណែនាំ និងជម្រុញឲ្យប្រជាជនក្នុងសង្គមទទួលយកទម្លាប់ល្អៗ ក៏ដូចជាមធ្យោបាយដើម្បីឲ្យពួកគាត់ទទួលបាននូវសុខភាពល្អ តាមរយៈគំនិតផ្តួចផ្តើម រួមមានកិច្ចសហការ ជាមួយក្រសួងកិច្ចការនារី ដើម្បីពង្រឹងលើសមភាពយេនឌ័រនិងសិទ្ធិស្ត្រី ការលើកកម្ពស់ការយល់ដឹងអំពីជំងឺមហារីកសុដន់ តាមរយៈយុទ្ធនាការប្រចាំឆ្នាំ Fit for Hope របស់យើងជាដើម។

យើងក៏ចូលរួមជួយលើកស្ទួយកុមារដែលជួបបញ្ហាជីវភាពរាប់ពាន់នាក់ផងដែរ ដោយតាមរយៈឧបត្ថម្ភដល់លីគបាល់ទាត់ AIA-ISF ដែលជាលីគបាល់ទាត់ថ្នាក់មូលដ្ឋានធំជាងគេនៅកម្ពុជា។ ជាងនេះទៀតសោធ យើងក៏សហការជាមួយក្លឹបTottenham Hotspur ក្នុងក្របខណ្ឌ English Premier League ដែលជាដៃគូសកល និងជាក្លឹបបាល់ទាត់កំពូលនៅលើពិភពលោក ដើម្បីធានាថាកុមារទាំងនោះទទួលបានការអប់រំដែលពួកគេសមនឹងទទួលបាន។

អេ អាយ អេ ខេមបូឌា គឺជាក្រុមហ៊ុនធានារ៉ាប់រងអាយុជីវិតកម្ពុជាតែមួយគត់ដែលបានទទួលពានរង្វាន់ “ក្រុមហ៊ុនល្អបំផុតសម្រាប់ការងារនៅអាស៊ី (Best Companies to Work for in Asia)” ពី HR Asia ក្នុងរយៈពេល 3ឆ្នាំជាប់គ្នា 2020, 2021 និង 2022។ អេ អាយ អេ ខេមបូឌា មានការិយាល័យកណ្តាលនៅទីក្រុងភ្នំពេញ និងបច្ចុប្បន្នបានពង្រីកសាខានៅខេត្តសៀមរាប កំពត កំពង់ចាម និងបាត់ដំបង។